Mu koyi yadda ake tasty beef wrap cikin sauki, abubuwan hadawa guda goma, matakai guda biyar kacal.
Abubuwan hadawa
- Dafaffafen naman (yanka 15 manya yanka amma)
- Shawarma bread (Uku)
- Carrot
- Kabeji
- Tumatur
- Albasa
- Maggi
- Kayan kamshi
- Butter
- Tarugu
Yadda ake hadawa
- Ki dauko dafaffafen naman ki yanka shi Kanana ko kuma ki yanka dogo dogo, sai ki ajiye a gefe.
- Ki yanka su kabejinki ki dan wanke da gishiri ki tsane a matsani, ki goge carrot na ki, ki yanka albasa, ki jajjaga tarugunki, sai ki ajiyeye a gefe
- Ki daura non stick pan naki akan wuta ki sa butter ki yanka albasarki ki soya sama sama, sai ki dauko namanki da ki ka yanka ki sa a ciki ki juya kidan bashi tsoro (ki soya sama sama).
- Sai ki dauko tarugu ki sa, maggi (iya dandano da zai miki) kayan kamshi ki sa a ciki sai ki sa ruwa kamar cokali uku ki juya sai ki rufe nadan wani lokaci har sai ruwan ya shanye sai ki sauke ki ajiye a gefe.
- Ki dauko shawarma bread naki sai ki dauko kabejin, albasa, tumatur da carrot naki (wanda ki ka gyara a baya) ki sa a gefen shawarma bread din (karki sa a tsakiyan don ya miki dadin nadewa) sai ki dauko namanki (wanda ki ka hadashi a baya) ki sa a gefen su kabejinki (amma naman ya fi su kabejin yawa) sai ki nade Kamar nadin tabarma. Sai ki sa a plat.
Ana iya cinsa tare da shayi ko abu mai sanyi (kamar su lemon kwalba). A ci dadi lafiya
Karin bayani
Za ki iya hada mayonnaise da tomato ketchup a wani kwano daban sai ki shafa a jikin shawarma bread din(kamar yanda ake shafa butter bread) kafin ki jera su kabejin da nama ko kuma ki yaryada akan naman kafin ki nade.
