Yadda ake mixed fruits juice

Mu koyi yadda ake mixed fruits juice cikin sauki, abubuwan hadawa guda tara, ta hanyar bin matakai guda shida kacal.

Abubuwan hadawa

1. Kankana (yanka irin na naira100)
2. Apple 1
3. Abarba (yanka irin na naira 100)
4. Mangoro 1
5. Lemon zaki 2
6. Lemon tsami ½ (ba dole bane)
7. Foster clerk ko sugar (yanda zakin zai miki )
8. Danyar citta 1(karama)
9. Kaninfari gudu uku

Yadda ake hadawa

1. ki gyara kankananki, ki cire wannan koren bayan sai ki yanka ta kanana kina cire bakaken kwallayen da ke ciki sai ki ajiye gefe.
2. Ki dauko mangoro ki fere bayan (fatan bayan) sai ki yanka kanana ki cire kwallon tsakiya, ajiye a gefe.
3. Haka lemon zaki shima fere bawon bayan ki yanka shi kanana, sai ki dauko danyar citta ki cire dattin bayan ki yanka kanana, ajiye a gefe.
4. Sai ki dauko apple naki shima ki yanka shi kanana ajiye a gefe.
5. Dauko blender ki dauko duka kayan da ki ka yanka a baya, ki zuba a cikin blender, sai ki jefa kaninfari a ciki ki sa ruwa kadan a ciki ki markada har sai kinga ya yi laushi.
6. Sai ki juye a wani kwano babba ki kara masa ruwan sanyi sosai ki tace sai ki zuba suga ko foster clerk kadan (iya zakin da zai mi ki) sai ki sa a jug ko ki kara mai da shi fridge dan yakara sanyi. A sha dadi lafiya.