Ga yadda ake kwadon zogale ku karanta ku koya. Wannan recipe ne mai saukin bin kuma da sauri, wadda za a hada cikin mintuna kalilan.
Abubuwan hadawa
- Zogale (dafaffe)
- Cucumber
- Garin kuli
- Tumatur
- Maggi
- Gishiri kadan
- Tattasai
- Albasa
- Man gyada
- Carrots
Yadda ake hadawa
- Ki dauko garin kuli ki daka tare da tarugu da albasa ki sa maggi iya dandano da zai miki, da gishiri sai ki daka ya daku ajiye a gefe.
- Dauko albasa, tattasai, cucumber, carrots, gyara ki wanke sosai da ruwan gishiri sai ki yanka su (irin yankan da ki ke so) ajiye a gefe.
- Dauko dafaffen zogalenki ki zuba garin kulinki (wanda ki ka daka tare da albasa, tarugu) sai ki cakuda sosai.
- Dauko su cucumber, carrots, tumatur, tattasai, albasa, (wanda ki ka yanka su) ki sa. Daga karshe sai ki dauko man gyada kadan ki yaryada a ciki. A ci dadi lafiya
