Faten wake abinci ne na gargajiya na al’ummar Hausaw da ake yi da wake, wanda aka fi sani da ”beans porridge” a turance. Abinci ne mai gina jiki sosai wanda ake ci a matsayin babban abincin rana ko na dare. Ana iya cin faten wake shi kadai, ko kuma a ci shi da biredi, fried plantain wato ”dodo” ko koko wato ”pap”.
Mu koyi yadda ake faten wake da dankali cikin matakai biyar masu sauki.
Abubuwan hadawa
- Wake (dafaffe)
- Dankalin turawa (dafaffafe)
- Jajjagen Tarugu da albasa (grated)
- Ganyen albasa (lawashi)
- Manja(mai kyau)
- Albasa
- Maggi(9ja pot)
- Kayan kamshi da dandano(Spices)
- Crayfish (in ana bukata)
- Gishiri
Yadda ake hadawa
- A wanke wake sannan a dafa shi har sai yayi laushi sosai. Zaki iya amfani da pressure pot don ya dafa shi cikin sauri kuma yayi laushi sosai.
- Ki sa tukunyanki akan wuta ki sa manja, sai ki kawo albasarki ki yanka a ciki ki soya sama sama.
- Sai ki dauko jajjagen tarugu da albasa ki sa a ciki ki juya.
- Sai ki kawo spices naki ki sa a ciki da su maggi da crayfish ki sa sai ki juya, anan sai ki kawo ruwan zafi kadan (idan a kwai ragowar ruwan dahuwar wakenki) ki sa ki rufe tukunya ki har sai Kinji Ya fara tafasa.
- Daga nan sai ki dauko wakenki tare da dankali ki sa a ciki ki juya a hankali ki rufe tukunyanki nadan wani lokaci.
- Daga karshe sai ki kawo ganyen albasarki ki sa a ciki, ki rufe tukunyanki na dan wani lokaci, sai ki sauke. A ci dadi lafiya
Sai mun hadu a girki na gaba.
