Ku koyi yadda ake cabbage sauce. Wannan cabbage sauce ne mai dadi ga kuma saukin hadawa. Uwargida ba a bawa yaro mai kiwuya!
Abubuwan hadawa
- Kabeji (ki yanka ki wanke da gishiri)
- Tsokar kaza (ki bare shi sala sala)
- Karas (ki gurza shi)
- Koren tattasai da tarugu (ki yanka)
- Lawashi (ki yanka)
- Albasa (ki yanka)
- Maggi
- Kayan kamshi
- Butter
- Tarugu (jajjaga)
Yadda ake hadawa
- Daura tukunyarki akan wuta ki sa butter ki yanka albasarki ki soya sama sama, sai ki kawo tsokar kaza ki sa a ciki ki juya ki soya sama sama.
- Sai ki dauko jajjagen tarugunki da albasa ki zuba a ciki shima ki soya sama sama Ki kawo maggi, kayan kamshi ki sa a ciki shima (iya dandano da zai miki), sai ki dan sa ruwan dumi kadan ki rufe nadan wani lokaci har sai ruwan ya ragu.
- Ki dauko kabejin ki ki sa ki juya ki rufe tukunya ki na dan wani lokacin kadan.
- Daga karshe, sai ki kawo karas, koren tattasai da lawashi ki sa a ciki ki juya ki rufe tukunyar ki na dan wani lokacin kadan, kamar minti 2, sai ki sauke.
