Mu koyi yadda ake lemun abarba da kwakwa. Wannan juice yana da dadi da kuma sauki wajen hadawa.
Abubuwan hadawa
- Abarba (madambaciya 1)
- Kwakwa (babbah 1)
- Madara ta ruwa (1)
- Sukari kadan (idan kina bukata)
- Abin kamshi (flavour)mai kamshin abarba da kwakwa
Yadda ake hadawa
- Da farko Uwargida za ki wanke abarbanki kuma ki yanka kanana sannan ki zuba a blenda ki markada
- Idan ya markadu sai ki tace ki ajiye a gefe
- Ki fasa kwakwarki itama ki yanka kanana ki markada blenda
- Idan ya yi sai ki tace akan ruwan abarbar
- Sai ki zuba madara da suga (idan da bukatar suga din) da abin kamshi
- Sai ki juya sosai sai kuma ki zuba kankara ko ki sa a furinji tayi sanyi dan tana bukatar sanyi
Photo credit: beautifuleatsandthings
