Mu koyi yadda ake cucumber and mango juice cikin sauki, abubuwan hadawa guda biyar, matakai guda uku kacal.
Abubuwan hadawa
- Mangoro
- Kwakwamba (cucumber)
- Danyen citta
- Kaninfari kadan
- suga ko foster clerk
Yadda ake hadawa
- Ki fere bayan cucumber ki yanka ta kanana ,ajiye a gefe Ki dauko mangoro ki fere bawon bayan ki yanka shi ki cire kwallon ciki sai ki sake yankawa Kanana.
- Ki cire dattin bayan citta ki gurza ta ko ki yanka kanana.
- Dauko blender ki zuba mangoro da cucumber tare da citta da kaninfari ki sa ruwa ki markada har sai kinga ya yi laushi sosai. Sai ki juye a wani kwano babba ki zuba foster clerk ko suga (iya zakin da zai mi ki) sai ki sa ruwan sanyi sosai ki tace, sai sha.
