Mu koyi yadda ake simple fruit salad cikin sauki. Ana bukatan abubuwa guda shida ne domin hada wannan fruit salad cikin steps guda biyar.
Abubuwan hadawa
- Kankana (yankan naira dari)
- Abarba 2 (yankan naira dari)
- Lemon zaki 3
- Lemon tsami 1
- Foster clerk cokali 1
- Kaninfari guda 5
Yadda ake hadawa
- Ki dauko abarba ki wanke ki cire wannan baki bakin ramin dake jikin ta sai ki yanka ta kanana sosai ajiye a gefe.
- Kankana shima wanke ki cire bawon bayanki yanka shi kanana ki na cire wannan bakaken kwallayen da ke ciki sai ki ajiye gefe.
- Ki bare bayan lemon zakinki, sai ki cire cikinsa ki na cire farare kwallon ciki ajiye a gefe.
- Ki dauko kwano maidan girma sai ki juye duka abubuwan da kika yanka a ciki ki juya sosai. Sai ki dauko foster clerk na ki ki sa a ciki ki juya.
- Sannan daga karshe ki yanka lemon tsami ki matse a ciki ki Jefa har da bawon. Sai ki kawo kaninfari ki sa sai ki sa a fridge ya yi sanyi sosai. Sannan idan kinzo zubawa za ki sha sai ki cire bawon lemon tsami tare da kaninfari a ciki ki zubar (amfanin sa shi shi ne zai karawa fruits salad na ki kamshi mai dadi sosai).
Karin bayani
Za ki iya kara ruwan sanyi a ciki idan kinga bai miki ruwa ba (amma kadan ake sawa). Sannan idan ba ki da foster clerk za ki iya amfani da suga.
