Peppered soup na kaza ai duniya ce! Assalam alaikum barka da sake saduwa a fannin girke girkenmu na Bakandamiya Kitchen. A yau zan koya mana yadda ake hada peppered soup na kaza.
Abubuwan hadawa
- Kazan Hausa
- Tarugu da tattasai
- Albasa
- Lawashi
- Curry
- Maggi da seasoning
- Tafarnuwa
- Tandoori Chicken spice
Yadda ake hadawa
- Farko za ki wanke kaza sosai sai ki zuba ta a cikin tukunya ki zuba ruwa ba masu yawa ba.
- Ki yanka albasa ki zuba da tafarnuwa ki rufe. Ki bari ya yi mintina 19 yana dahuwa.
- Sai ki bude ki zuba grated tattasai da tarugu, da seasoning, da lawashi da sauran kayan hadi.
- Ki rage albasa da za ki zuba karshe kadan. Idan ya dahu sai ki zuba sauran albasa ki bata minti daya ki sauke. Ba a so a cika ma peppered soup ruwa. Amfanin garlic da albasa yana cire duk wani kazni. A ci lafiya.
Za a iya duba: Yadda ake hada rolled stuffed moi-moi da yadda ake liver sauce da sauransu.
