Ga yadda ake offal sauce cikin sauki kuma ba tare da bata lokaci ba. Wannan recipe na bukatan kayan hadi goma ne da steps uku kacal.
Abubuwan hadawa
- Dafaffen kayan ciki (ki yanka kanana)
- Cucumber (ki yanka)
- Tarugu da tattasai (ki jajjaga)
- Carrots (ki gurza)
- Tumatur (ki yanka)
- Albasa (ki yanka)
- Man gyada
- Maggi
- Kayan kamshi
- Lawashi
Yadda ake hadawa
- Daura tukunyanki akan wuta ki sa man gyada ki yanka albasa ki soya sama sama, sai ki dauko tarugu da tattasai ki sa ki soya sama sama.
- Dauko dafaffafen Kayan ciki nan ki sa a ciki ki juya sai ki sa ruwa kadan (ko ruwan silale) ki juya, dauko maggi da kayan kamshinki ki sa a ciki ki juya ki rufe tukunyanki na dan wani lokaci kadan har sai ruwan ya ragu.
- Daga karshe sai ki kawo carrot, cucumber, lawashi ki sa ki juya ki rufe nadan wani lokaci ya turaru sai ki sauke.
