Ku koyi yadda ake dambun couscous cikin sauki mai dadi ga kuma kyau. Wannan dambun couscous din na da saukin hadawa.
Abubuwan hadawa
- Couscous
- Zogale (ki gyara ki wanke)
- Dafaffen nama (ki yanka kanana)
- Man gyada
- Garin karago
- Tarugu(ki jajjaga)
- Albasa (ki yanka)
- Attasai (ki yanka kanana (karas (ki yanka)
- Koren wake (ki yanka kanana)
- Kayan kamshi
- Maggi
- Gishiri
Yadda ake hadawa
- Dauko couscous na ki ki zuba mi shi man gyada ki juya. Ajiye a gefe.
- Dauko turmi zuba garin karagonki, yanka tarugu da albasa ki sa maggi dan daidai ki dake su sai ki kwashe. Ajiye a gefe.
- Dauko albasa da tattasai ki yanka kanana. Ajiye a gefe.
- Daura tukunya akan wuta ki sa ruwa dan daidai (yanda zai dafa/turara miki couscous na ki) sannan ki kawo tarugu, da albasa, da kayan kamshi, da maggi (iya dandanon da zai miki), da gishiri kadan, ki juya, ki kawo nama da zogalen ki zuba ki rufe tukunyar ki, ki barta har sai ya tafaso sannan ki kawo couscous na ki ki zuba ki juya a hankali.
- Kawo karas da koren wake ki sa ki juya a hankali sai ki rufe su turara (ki tabbatar kin rage wuta) idan ya turaru sai ki sauke ki kawo yankakkiyar albasa ki da tattasai ki sa ji juya ki kawo hadin garin karagon ki ki barbada a hankali ki na juya har sai garin karagon ya kare sai ki zuba a plate. A ci dadi lafiya.
