Ku koyi yadda ake boiled plantain and egg sauce cikin sauki. Wannan recipe na bukatan kayan hadi bakwai ne da steps guda biyar.
Abubuwan hadawa
- Plantain (agada)
- Kwai
- Tumatur
- Tarugu
- Man gyada
- Maggi
- Kayan kamshi
Yadda ake hadawa
- Ki dauko agada ki bare bawon ki yanka su ajiye a gefe. ki daura tukunya wuta ki sa ruwa idan ya tafasa sai ki kawo yankakken agada ki sa ki dafa ta kamar minti 5 haka.
- Sai ki sauke ki tsane shi a colender (matsani) ajiye a gefe.
- Daura wata tukunyanki akan wuta ki sa man gyada ki yanka albasa ki soya sama sama. Sai ki kawo tarugu, tumatur da albasa ki zuba a ciki ki juya ki rufe tukunyanki na dan wani lokacin kadan.
- Bude ki juya ki kawo kayan kamshi da gishiri kadan ki sa ki juya ki kawo maggi iya dandano da zai miki ki juya.
- Dauko wani kwano daban ki fasa kwanki a ciki sai ki juye a cikin hadin da ke wutan nan, ki barshi nadan wani lokaci sai ki juya a hankali har sai kwanki ya nuna miyar ki ta yi. Anan sai ki sauke ki zuba a plate ki kawo dafaffafiyar agadanki ki sa a gefe. A ci dadi lafiya.
