Banana pancake wani nau’in abinci ne mai daɗi da ake yi da ayaba, fulawa, ƙwai da sauran kayan haɗi. Wannan abinci yana da dadi wanda mutane da yawa ke so musamman a lokacin karin kumallo ko abin ci na musamman. Ayaba tana ƙara wa pancake zaƙi da kuma sinadirai masu amfani ga jiki. Banana pancake yana da sauƙin shiryawa kuma ana iya ci tare da zuma, madara ko lemo.
Pancake yana daya daga cikin snacks masu saukin yi, ana yi wa yara domin zuwa makaranta, sannan ana yin shi domin karin kumallo. A yau na zo maku ne da yadda ake yin pancake mai ayaba.
Abubuwan bukata:
1- 1 cup flour
2- 2 eggs
3- 2 bananas
4- 1/2 teaspoon cinnamon powder
5- 1/2 teaspoon baking powder
6- 1/4 teaspoon baking soda
7- 1/2 teaspoon salt
8- 3 tablespoons sugar
9- 1 teaspoon vanilla flavor
10- 1 cup liquid milk
Yadda ake yi:
1- Wannan su ne ingredients dinmu.
2- ki fara zuba ayaba a cikin mixing bowl, sai ki mashing dinta da masher irin ta Bakandamiya shopping, ko kuma fork mai kyau har sai ta dame. Sai ki zuba madara da flavor ki motsa. Ki dora rariya a kai ki zuba flour.
2- ki zuba ragowar duka dry ingredients dinki ki tankade ki motsa da kyau.
3- A wani bowl din daban, ki fasa kwai ki zuba sugar sai ki amfani da hand whisk ko kuma mixer ki ta mixing dinsa har sai ya yi kumfa sosai.
4- sai ki juye wannan egg mixture din a kan wancan kwabin da kika yi na farko. Ki yi folding da silicon spatula.
5- ki samu pan dinki mai kyau ko kuma non stick frying pan. Ki goge da tissue sai ki dinga zubawa kadan. Idan dayan gefen ya yi sai ki juya. Amma ba a son wuta da yawa don kar ya kone.
6- idan dayan gefen ya yi shi ma sai ki kashe. Haka za ki yi har sai kin gama.
Shikenan pancake dinki ya hadu. Zaki iya cin sa da bakin shayi. Haka ma zaki iya cin sa da latte irin ta cafe da sauran su.
