Yadda ake alalen manja

Mu koyi yadda ake alalen manja cikin sauki, abubuwan hadawa guda goma ta hanyar bin matakai guda biyar kawai.

Abubuwan hadawa

1. Wake
2. Albasa
3. Tattasai
4. Attarugu
5. Crayfish
6. Manja
7. Maggi star
8. Gishiri
9. Citta da tafarnuwa
10. Ledan alale

Yadda ake hadawa 

1. A wanke wake a cire bayansa tsaf.
2. A yayyanka albasa a ciki, a sa tattasai da tarugu, a sa citta da tafarnuwa da crayfish, a kai aniko (wurin nikan ace nikan alale za’ayi)
3. In an kawo nikan sai asa maggi da manja a hade ko ina yaji da kyau, sai a kukulla a leda.
4. Asa a tukunya sannan asa ruwa a daura kan wuta har alalen ya dahu. Yadda za ki gane alale ya dahu shine za ki ga alalen ya bar jikin leda, wannan ya nuna cewa alale ya dahu.
5. In ya dahu sai ki sauke. Ki daura wani manjan ki soya in ki ka zuba alalen a plate sai ki yayyafa soyayyen manjannan, ana hadawa da yajin borkono. Wayyo gargajiya.