Ga yadda ake alalen man gyada mu koya ‘yanuwa. Wannan recipe ne da duk masoyin alale da kayan waken zai so ya gwada. Ku gwad ku bani labari.
Abubuwan hadawa
- Wake
- Albasa
- Tattasai
- Attarugu
- Crayfish
- Man gyada
- Maggi star
- Gishiri
- Citta da tafarnuwa
- Ledan alale
- Tafasashiyar kwai
Yadda ake hadawa
- A wanke wake a cire bayansa tsaf.
- Ayayyanka albasa a ciki a sa tattasai da tarugu a sa citta da tafarnuwa da crayfish a kai a niko (wurin nikan a ce nikan alale za’ayi)
- In an kawo nikan, sai a sa maggi da man gyada a hade ko ina yaji da kyau sai a sa yankakkiyar dafaffiyar kwai a kukkulla a leda.
- A sa a tukunya a sa ruwa a daura kan wuta har alalen ya dahu.
Karin bayani
Yadda za ki gane alalen ya dahu shi ne za ki ga alalen ya bar jikin leda, hakan na nunin cewa alalen ya dahu kenan.
