Miyar taushe miya ce ta gargajiya a Arewacin Najeriya, musamman a wajen Hausawa. Ana yin ta da kabewa (taushe) a matsayin babban sinadari da kuma gaynye (alayyaho da yakuwa), kuma tana da ɗan zaƙi mai daɗi. Mutane da dama suna sarrafa ta ne daidai da yadda suke so miyar taushen ta kasan ce. Miasali wadansu suna so alayyahon ya dan yi yawa aciki, wadansu kuma sun fi son kabewar ta fi yawa acikin miyar, wadansu kuma basu saka yakuwa acikin miyar tasu ma.
Toh mu garzaya mu koyi namu nau’in ta sarrafa Miyar taushe cikin sauki kuma ba tare da bata lokaci ba.
Abubuwan hadawa
- Dafaffen nama da soyayyen nama
- Alayyaho da yakuwa (ki wanke da gishiri ki sa a colender ya tsane)
- Markadadden gyada (irin na kunun gyada)
- Albasa
- Grated tarugu
- Maggi
- gishiri
- Kayan hadi da dandano (spices)
- Manja
- Man gyada
Yadda ake hadawa
Abi matakan da aka lissafo akasa don samun miyar taushe mai dadin gaske:
- Ki sami wukanki ki yanka dafaffafen namanki kisa a gefe
- Sai ki dauko gyada ki kisa mata ruwa ki dama ta, itama ki ajiye a gefe
- Sannan kisa tukunyarki akan wuta kisa manja da man gyadarki
- Sai ki dauko albasa kisa, amma ki soya shi sama-sama
- Yanzu sai ki dauko namanki da kika yanka kisa aciki ki soya sama-sama
- Sai ki dauko grated tarugunki kisa aciki sannan ki juya
- Ki kawo Maggi da curry da kayan yaji (spices) ki sa
- Bayan haka, sai ki kawo soyayyen namanki ki sa sai ki juya
- Sai ki tsaida ruwa kadan ki rufe tukunyarki na dan wani har sai kin ji ya fara tafasa
- Sannan sai ki dauko ganyen ki kisa aciki ki juya ki rufe shi na dan wani lokaci
- Ki dauko gyadarki (wanda kika dama) kisa aciki, sannan ki juya miyarki ki sake rufewa ki barta na dan wani lokaci
- Daga karshe, sai ki sauke miyan ki
Zaki iya ci da couscous (kamar yanda kika gani a hoto) ko kuma sinasir, waina ko tuwon shinkafa ko semo da makamantansu.
