Yadda ake hada fluffy beans cake

A yau zamu koya yadda ake hada fluffy beans cake (alale).

Abubuwan hadawa

1. Wake
2. Crayfish
3. Koren tattasai
4. Tarugu
5. Tattasai
6. Seasoning
7. Manja
8. Lawashi
9. Albasa

Yadda ake hadawa

1. Farkon za ki debi wake ki tsince datti ki surfa shi ki gyara, sai ki zuba ruwa da garlic a ciki ki markada ki yanka koren tattasai a ciki da lawashi da albasa.
2. Ki grating tarugu da tattasai ki zuba, ki sa manja, da seasoning da cray fish ki sa whisk ki juya shi sosai.
3. Ki shafa mai a jikin moi moi containers dinki sai ki dinga zuba kullunki a ciki.
4. Ki dora ruwa dai dai yadda ba za su rufe containers ba, idan sun tafasa ki jera containers a ciki ki rufe.
5. Idan ya dahu ki sauke, za a iya ci da cabbage sauce da muka yi a baya, za kuma a iya duba fish egg sauce  ko wani sauce makamantansu.