Bansan wanda ba ya son doya da kwai ba,amma kuma ba kowa ne ya iya hadawa ba. Saboda haka yau mun kawo muku yadda ake doya da kwai cikin sauki.
Abubuwan hadawa
- Doya
- Kwai
- Maggi
- Tarugu
- Man gyada
- Albasa da lawashi
Yadda ake hadawa
- Farko za ki yanka doya ki tafasa ta ki sa gishiri kadan sai ki zuba wannan doya a bowl.
- Ki samu wani bowl ki fasa kwai ki sa tarugu, da maggi, da albasa ki kada shi.
- Ki dora mai a cikin frying pan. Idan ya dauki zafi ki rika tsoma doyan a ruwan kwan, sannan ki rika tsomawa cikin man gyadan.
- Ki juya gefe dayan idan ya yi, sai ki kwashe idan shima gefen ya yi.
Za a iya duba: Yadda ake shredded chicken sauce da yadda ake dambun nama da sauransu.
