Ga yadda ake cream caramel mu koya ‘yanuwa. Wannan recipe ne mai sauki da kuma dadi cikin ‘yan lokaci kadan za a hada.
Abubuwan hadawa
- Kwai uku
- Madaran ruwa gwangwani daya (peak milk)
- Suga
- Filebo
Yadda ake hadawa
- Ki fasa kwanki ki sa suga cokali 5, ki juye madara gwangwani daya da filebo ki motsa su hade da juna ki a jiye a gefe.
- Ki debo wani sugar ki hada da ruwa da kauri ki daura kan wuta ya narke har ya canza kala ya koma brown.
- Sai ki samo container wanda za ki iya sa wa a tukunya, ki sa a cikin tafasashshen ruwa baiyi komi ba,sai ki juye narkakken sugan a ciki sannan ki kawo hadin madara da kwannan ki zuba a ciki.
- Sai ki sa container cikin tukunya mai ruwan kada ya wuce rabin container din ki daura a wuta ya yi ta tafarfasa har abin cikin container yayi kauri.
- In ya kame jikin sa ta ko ina, sai ki ciro ki bari ya huce sannan sai ki samo plate ki kifa a kai.
- Sai a sa a fridge ya yi sanyi. A ci dadi lafiya. Banason na misalta dadinsa, ku dai ku gwada ku gane wa idanun ku.
Wani abin dadin:
In kina da oven za ki iya sawa a abin gashin cake ki gasa a ciki, cikin sauki. Dan Allah ku gwada sannan ku bimu da dukkanin ma’aikatan Bakandamiya da addu’a.
