Ku koyi yadda ake boiled egg sauce mai kyau da kuma inganci. Makatai hudu kacal uwargida za ta bi ta kammala wannan kayataccen sauce.
Abubuwan hadawa
- Kwai (dafaffafen kwai)
- Kayan ciki
- Tumatur (ki yanka)
- Kayan kamshi (ki yanka kanana)
- Tarugu (jajjaga)
- Maggi
- Lawashi (wanke a yanka)
- Albasa (a yanka)
- Man gyada
Yadda ake hadawa
- Dauko kwanki ki yanka kanana dai dai, Kayan ciki ki yanka kanana a jiye ko wanne a gefe.
- Daura tukunya akan wuta ki sa man gyada kadan ki yanka albasa ki soya sama sama, ki kawo tarugu ki sa ki soya sama sama shima.
- Sai ki dauko Kayan ciki ki sa, ki kara ruwa kadan ki sa a ciki, dauko Kayan kamshi ki sa, maggi ki sa iya dandano da zai miki ki juya rufe tukunya ki na dan wani lokacin kadan har sai ruwan ya dan shanye.
- Sai ki dauko tumatur ki sa ki kawo kwanki, lawashi ki sa ki juya a hankali ki rufe nadan wani lokaci, sai ki sauke. A ci dadi lafiya
Ana iya cin boiled egg sauce da alale ko dahuwar farar shinkafa ko couscous ko ma dai taliya da makamantansu. Na gode, sai mun hadu a girki na gaba.
