Barkanmu da sake saduwa a fanninmu na girke girke a dandalin Bakandamiya Kitchen. A girkin namu na yau zamu koyar da yadda ake puff-puff ne, da fatan mai karatu za ta amfana da wannan sabon darasin. Sannan za a iya duba girkinmu na baya inda muka koyar da Yadda ake Japanese Pancake kafin mu ci gaba.
To ga yadda ake puff-puff nan dalla dalla kamar haka:
Abubuwan hadawa
- Filawa
- Yeast
- Sugar
- Gishiri kadan
- Mangyada
- Ruwa
- Madarar ruwan
- Kwakwa
Yadda ake hadawa
- Ki sami babba kwano ki tankade filawanki a a ciki ki zuba yeast, sugar, gishiri kadan ,ruwan madarar kwakwa ki tare da ruwa (ruwan dan daidai za ki sa domin kinsa madarar kwakwa a ciki).
- Sai ki kwaba kullin (kar ya yi ruwa kuma ba kauri ri sosai ) daga nan ki sa shi a rana kamar minti 20 ya tashi.
- Da zarar ya taso, sai ki sake bugashi sosai sai ki daura kaskonki a kan wuta ki sa man gyada ki yanka albasa ki soya sama sama idan ya yi zafi kina diba kadan kadan kina soyawa har sai ya soyu sai ki tsane a matsani. A na iya cinsa da Nutella (chocolate) Ko da jam ko haka nan da tea. A ci dadi lafiya.
Wannan shine yadda ake puff-puff. Na gode, sai mun hadu a girki na gaba.
