Yadda ake hada watermelon milkshakes

Barkan mu da sake saduwa a fannin girke girkenmu na Bakandamiya Kitchen. Muna maku fatan alkhairi a wannan sabuwar shekara. A yau na zo muku da recipe na yadda za a hada watermelon milkshake a saukake. Ga shi kamar haka:

Abubuwan hadawa

1. Kankana (1)
2. Sugar
3. Ice cream (strawberry flavour)
4. Madara (2 cups)

Yadda ake hadawa

1. Farko za ki yanka kankana ki barta tare da yayan cikin ta domin suna da matukar amfani ga lafiya.
2. Ki sa kankana a blender ki sa ice cream ki sa milk dinki a ciki sai ki markada. Za ki markada shi ne sosai har sai yayi smooth.
3. Ki zube a bowl ki sa sugar sai ki saka shi a fridge ko a saka kankara a sha.
   Mai karatu wannan shine yadda ake watermelon milkshake. Sannan za a iya duba girke girkenmu na baya.