Ku koyi yadda ake hada spinach soup (miyan masa) mai dadi ga kuma kyau. Wannan miyar masa gangariya ne dan gargajiya mai dauke da salon zamani.
Abubuwan hadawa
- Manja
- Albasa da lawashi
- Kayan miya
- Naman rago
- Allayaho
- Maggi
- Tafarnuwa
- Mixed spices
Yadda ake hadawa
- Farko za ki tafasa nama ki yanka albasa a cikin tafashen ki sa maggi, idan ya yi ki zube da ruwan a gefe sai ki mayar da tukunyar.
- Ki zuba manja a cikin tukunyar sai ki saka albasa idan ya fara soyuwa sai ki zuba kayan miya da ki ka nika. Ki rufe ki ba shi yan mintina dan su soyu, idan ki ka juya sai ki zube wannan ruwan tafashen da naman a ciki.
- Ki zuba su maggi da tafarnuwa ki rufe. Sai ki yanka allayaho dinki,ki sheka ma shi ruwan zafi akai (amfanin yin hakan dan colour din ya fito yadda yake) Ki zuba allayaho dinki ki juya idan ta dahu sai a sauke. A ci lafiya.
