Ga yadda ake gasasshen kifi mai dankali, mu koya ‘yanuwa. Cikin matakai kalilan uwargida za ki hada wannan kayataccen kifi.
Abubuwan hadawa
- Kifi
- Albasa
- Man gyada
- Tarugu ko yajin gari
- Dankalin turawa
- Tafarnuwa (garlic)
- Citta (ginger)
- Spices (Kitchen Glory, Benny, Mr Chef, Armor)
- Lemun tsami
- Foil Paper
Yadda ake hadawa
- Farko za ki wanke kifin kaman yadda aka yi a na pepper soup na kifi amma ba za ki yanka shi ba sai dai Ki fasa cikin da kai kuma ki wanke ki cire dattin.
- Ki yanka dankalin ki soya shi sama sama ki aje gefe.
- Ki yi marinating na kifin. Yadda za ki yi marinating din shine ki sa spices, da seasoning, da garlic, da yajin gari ko tarugu a bowl ki sa spoon na man gyada biyu ki hada sai ki shafe kifin da shi har can ciki.
- Ki dora Kifin a saman foil paper sai ki dora akan tray na gashi.
- Ki dauko dankalin na ki ki cura a cikin kifin ki sa wani saman foil pepper ki yanka albasa sliced ki zuba a sama ki kwashe sauran hadin marinating ki zuba a sama.
- Ki gasa a cikin oven ko kuma ki dora foil din a pan ki yi gashin pan. Bayan kamar minti 35 ko 40 sai a duba idan ya yi sai a cire. Shi ke nan kifin ki ya hadu.
