Skip to content

Yadda ake gasa tsokar naman sa mai armashi

Yadda ake gasa tsokar naman sa mai armashi
4
(6)

Mu koyi yadda ake gasa tsokar naman sa mai armashi. Wannan gashi ne mai dadi da kuma ingancin gaske. Uwargida a gwada a bamu labari!

Abubuwan hadawa

  1. Tsokan nama sa zalla
  2. Kayan kamshi (habbatussauda, busashshiyar na’a-na’a, garin thyme, da maggi)
  3. Mai

Yadda ake hadawa

1. Ki dauko namanki tsoka zalla ki yanka fala fala kaman fefa. Kamar yadda za ku gani a hoton da ke zuwa a kasa.

2. Abu na gaba shi ne, ki kawo kayan kamshi da muka lissafa a samannan sai ki hade su a waje guda sannan ki sa mai ki cakuda.

3. Sai ki bi ki shafe wannan nama da ki ka ajiye a gefe da wannan hadin kayan kamshin. Ki tabbatar kin shafe nama sosai da kayan kamashinnan.

4. A daura abin tuyan kwainki a wuta wato frying pan sai ki sa mai kadan sannan ki dora naman a kai. Idan gefe daya ya yi sai ki juya dayan gefen.

5. Da namanki ya yi sai ki yanyanka shi a tsaye Kamar yatsu. Ga hoton yadda na yi nawa ku duba a kasa.

Karin bayani

Wannan gashin tsokan sa ina amfani da shi a girke-girke daban-daban. Kin ga ni in na yi kalan gashin nan, nakan sa shi cikin salad, ko in sa cikin shinkafa, da taliya da sauransu! Abin ba a cewa komi, sai angwada!

How many stars is worth this recipe?

We are sorry that this recipe was not as good as you wanted it to be!

Please, provide us with your feedback to improve it.

Write your feedback in the box below and then submit.

You cannot copy content of this page
×