Na tabbata uwargida kina cikin masoya cake, plain ne, mai topping ne, cream ne, to ga su nan dai kala kala. A yau dai yadda ake chocolate cake ne zamu koyar. Uwargida dau biro da takarda, bismillah.
Abubuwan hadawa
- Sugar kofi 1
- Filawa kofi 2
- Cocoa Powder kofi 1
- Kwai 10
- Butter (Sima’s) 1
- Baking powder 1/2 tsp
- Flavour 1/2 tsp
- Brown chocolate color (1 tblspn)
Yadda ake hadawa
- Farko za ki hada butter da sugar ki buga su sosai da muciya ko Mixer.
- Ki fasa kwai daya bayan daya kinasawa kina hadawa.
- Idan kin ga sun hade sai ki sa flour, da cocoa powder, da baking powder, da flavour dinki da brown chocolate color.
- A zuba a farantin gasa cake, a yi pre heating na oven a gasa na tsawon mintina 45.
- Idan ya yi a cire a yanka slices kaman yadda muka sa a jikin hoto. Za ki iya topping na chocolate da nutella chocolate ko hubby Ko vanoise chocolate. Za ki sa shi a leda ne sai ki dinga zubawa jikin cake din.
Wannan shine yadda na ke chocolate cake. Na gode, mai karatu na iya duba girkinmu na baya, kamar: Yadda ake hadin doughnuts da sauransu.
