Ku koyi yadda ake Chinese rice ta hanyar bin steps masu sauki.
Abubuwan hadawa
- Dafaffafiyar shinkafa (wanda aka dafa da gishiri)
- Karas (carrots)
- Peas (na gwangwani)
- Albasa
- Kwai
- Tattasai
- Butter
- Gishiri
Yadda ake hadawa
- Da farko za ki fasa kwanki a ciki wani karamin kwano sai ki yanka mishi albasa, sai ki sa gishiri kadan sannan ki ajiye a gefe.
- Ki yanka su tattasai, albasa kanana, sai ki yanka karas na ki (ki sa masa tafasashshe ruwan zafi da baking powder ki rufe nadan wani lokaci sannan ki tace).
- Ki bude peas naki na gwangwani ki juye shi a kwano sai ki zuba mishi ruwa sosai sannan ki tace. Anan sai ki hada duk veggies naki dukka wuri daya ki ajiye a gefe.
- Ki daura non stick pan naki akan wuta ki sa butter ki a ciki idan ya narke sai ki kawo kwanki ki sa a ciki, sai ki rika juyawa, (kamar yadda ake miyar kwai)
- Idan yayi sai ki dauko su carrot da ki ka gyara ki ka ajiye su wuri daya sai ki zuba a ciki ki juya a hankali dan karya kama.
- Sai ki dauko dafaffafiyar shinkafa ki sa a ciki ki juya a hankali har sai ya yi.
- Sai ki sauke ki sa a plate ki kawo miyar stew ki sa.
