Ku koyi yadda ake tuwon shinkafa da miyar agushi. Wannan hadin shinkafa da miyar agushi yana da dadi da kuma sauki wajen hadawa.

Abubuwan hadawa

1. Shinkafa na tuwo  (gwargwadon yadda ake bukata)
2. Agushi
3. Tattasai 3
4. Attarugu 3
5. Albasa 1
6. Nama 1/2
7. Kifi 3
8. Maggi 6
9. Mai
10. Tafarnuwa 3
11. Gishiri
12. Ledan kulla shinkafar

Yadda ake dafa tuwon shinkafar

1. Da farko zaki dora ruwanki awuta
2. Sai ki wanke shinkafarki ki tsaneta sosai kidan baza tasha iska
3. Idan ruwan ya tafasa sai ki kawo shinkafarki ki zuba ki dan motsa da muciya saiki rufe kibashi minti ashirin
4. Idan yayi sai ki tukeshi ki kawo leda kina kullawa

Yadda ake dafa miyar agushi

1. Da farko zaki wanke namanki kisa albasa da maggi ki dora a wuta
2. Idan ya yi sai ki kwashe ki zuba mai da kayan miyanki da ki ka markada sai ki rufe
3. Idan ya dan soyu sai ki zuba ruwan tafasashen nama kisa maggi, da gishiri, da nama, da tafarnuwa, da agushi sai ki rufe ya samu kamar minti biyar
4. Idan yayi zaki ji yana kamshi sai a sauke a ci da tuwon shinkafa