Yadda ake spaghetti jollof cikin sauki

Add to Lists (0)

Please login to bookmarkClose

Username or Email Address

Password

Remember Me

No account yet? Register

Cikin sauki, mu koyi yadda ake spaghetti jollof.

Abubuwan hadawa

1. Tafasashshe taliya
2. Dafaffafen nama (ki yanka kanana)
3. Cray fish (ki nika)
4. Tarugu
5. Tattasai
6. Albasa
7. Gishiri kadan
8. Koren tattasai
9. Lawashi (ki yanka)
10. Ganyen curry (ki yanka)
11. Kayan kamshi
12. Maggi
13. Tumatur
14. Albasa

Yadda ake hadawa

1. Gyara tarugunki da tattasai ki markada ya markadu, dauko tumatur, koren tattasai, albasa ki yanka su sai ki ajiye a gefe.
2. Daura tukunyanki akan wuta ki sa man gyada ki yanka albasa ki soya sama sama sai ki dauko markadadden kayan miyanki zuba a ciki ki juya ki rufe nadan wani lokaci.
3. Sai ki kawo nama ki zuba a ciki ki juya ki kawo maggi ki sa iya dandano da zai miki, kayan kamshi ki sa, gishiri kadan, cray fish ki sa, ki juya ki rufe tukunyanki na dan wani lokacin.
4. Sai ki kawo ruwan zafi dan dai dai ki sa (wanda zai karasa dafa miki taliya) ki rufe tukunya idan ya tafaso sai ki kawo tafasashshen taliya ki zuba a ciki ki juya a hankali ki rufe sannan ki rage wuta.
5. Bayan dan lokaci kadan sai ki dauko lawashi, ganyen curry, zuba ki rufe su turaru, daga karshe sai ki dauko tumatur, albasa, koren tattasai ki zuba ki juya a hankali sai ki sauke. A ci dadi lafiya.