Ku koyi yadda ake sinasir. Wannan sinasir din yana da dadi da kuma sauki wajen hadawa.
Abubuwan hadawa
- Shinkafa ta tuwo kofi 2
- Albasa 2
- Suga kadan
- Yeast chokali 2 babba
- Nono idan kina bukataba
- Mangyada
- Gishiri
Yadda ake hadawa
- Da farko zaki sami shinkafarki ki wanke ta ki jika ta.
- Idan ta kwana sai ki kai inji a markada miki. Kar a markada miki akan wake.
- Idan aka kawo sai ki zuba yeast ki bubbuga ta sai ki rufe ki ajiye a waje mai dumi.
- Idan ta dan jima sai ki zuba suga da gishiri kadan da nono kadan don yana kara kyau da tashi.
- Sai ki yanka albasarki kanana ki zuba a ciki.
- Sannan sai ki dauko farantin suya mara kamu ki dora a wuta sai ki dinga zuba manki kuma ki dinga zuba kullun shinkafarki, sai ki sa marfi ki rufe. Ba a juyawa. Idan ya soyu sai ki cire. Haka zaki yi tayi harki gama.
