Mu koyi yadda ake potato pie cikin sauki kuma ba tare da bata lokaci ba. Uwargida ki gwada ki zo ki bamu labari. Wai sai an gwada…
Abubuwan hadawa
- Filawa kofi biyu
- Butter cokali hudu
- Gishiri kadan
- Baking powder karamar cokali daya
- Dankalin turawa
- Maggie
- Attarugu
- Albasa
- Mai
- Ruwan sanyi
Yadda ake hadawa
- Ki samu roba ki sa filawa, gishiri, baking powder, butter da ruwan sanyi ki kwaba ta sosai sai ki ajiye a gefe.
- Ki samu dankalin turawa ki bare ki yanka kanana sannan ki zuba ruwa a tukunya, sai ki zuba ki yi boiling na shi ya nuna, amma kada ki bari ya fara fashewa. In yayi sai ki sauke.
- Ki sa mai kadan a pan ki sa dafaffiyar dankalin taki, kisa albasa, attarugu, Maggie, da gishiri kadan ki motsa su sai ki sauke.a
- Sai ki dauko filawa da kika kwaba kiyi rolling sai ki yanka round, koda cutter koda murfin kofi.
- Sai ki zuba hadin dankalin ki a sakiya, sai ki nade ki danne bakin da fork. haka za ki yiwa sauran ma. Sai ki shafa mai, butter ko ruwan kwai a sama.
- Ki kunna oven yadan yi zafi sai ki sa ki gasa.
Karin bayani
- Kada ki cika wuta in kinzo gashi.
- In bakida ruwan sanyi za ki iya amfani da ruwa haka.
