Karanta yadda ake kwadon latas Nigerian style.
Abubuwan hadawa
- Latas
- Karas
- Kwakwamba (Cucumber)
- Tarugu
- Tumatiri
- Tattasai
- Albasa
- Karago
- Man gyada
- Maggi star
Yadda ake hadawa
- Ki dauko latas naki ki gyara, ki wanke sai ki yanka shi, sannan karas ki cire dattin bayan, sai ki yi yanka da wuka, sai ki wanke sannan ki yanka su kwakwamba, da albasa, da tumatiri da tattasai , Sai ki ajiye a gefe.
- Ki dauko karagon da su Maggi, gishiri kadan da kayan kamshinki ki sa a turmi ki daka idan ya zama gari dauko albasa da tarugu ki yanka a ciki sai ki dake su a cikin garin karagonki.
- Sai ki dauko babban kwano Wanda zai isheki ki yi a ciki, ki dauko latas naki ki sa a ciki, ki kawo yajin karagon ki ki sa sai ki kawo karas, albasa, tattasai, kwakwamba ki sa, sannan sai ki juya a hankali.
- Daga karshe sai ki dan yaryada man gyada kadan. Sannan idan ki na so za ki iya matsa ruwan lemon tsami a ciki.
