Yau ga yadda ake dahuwar farar shinkafa mun kawo muku. Ga shi nan dai girki ne da kamar a rufe ido a yi shi to amma shima yana bukatar natsuwa domin ya yi kyau a sami yadda ake so.
Abubuwan hadawa
- Shinkafa kofi (gwargwadon yadda ake so)
- Gishiri
- Ruwa
Yadda ake hadawa
- Da farko zaki dora ruwanki a wuta ya tafasa.idan ya tafasa sai ki kawo shinkafarki ki zuba ki dan motsa kisa gishiri sannan ki barshi kamar minti uku.
- Sai ki tace ki wanke shinkafarki ki tsaneta.
- Sai ki dora tukunyarki a wuta ki sa ruwa dan daidai misali sai ki rufe kibar shi minti ashirin idan yayi sai ki sauke ki kwashe zaki ganta wara-wara ta yi kyau.
Za’a iya ci da miyar dage-dage. A ci dadi lafiya. Na gode.
